Дзюдочиларимиз "Jenys" таркибида Континентал Лиганинг "Шарқ" дивизиони ғолиби бўлишди

Мусобақанинг учинчи босқич доирасидаги ушбу дивизионнинг А гуруҳида Лиганинг ўтган йилги чемпиони "Урал-Западная Сибирь", "Родина" (иккаласи – Екатеринбург), "Тюмень-дзюдо 2", В гуруҳида эса "Jenys" (Қозоғистон), "Тюмень-дзюдо" ва "Триумф" (Барнаул) клублари баҳсларга киришишди. 

Гуруҳнинг барча учрашувларида ғалаба қозонган "Jenys" 1/2 финалда "Урал-Запад Сибирь" жамоасини 3:2 ҳисобида доғда қолдирди. Иккинчи 1/2 финалда "Тюмень-дзюдо" худди шу ҳисобда "Родина" жамоасидан устун келди. Ҳал қилувчи финал учрашувида "Jenys" "Тюмень-дзюдо"ни 3:1 ҳисобида таслим этди.  

Чемпион "Jenys"нинг ғалабаларига терма жамоамиз аъзолари Артём Штурбабин, Шаҳрам Аҳадов ва Париж-2024 Олимпиадаси совриндори Музаффарбек Тўрабоев ўз ҳиссасини қўшди. Континентал Лиганинг финал босқич турнири 1 ноябрь куни Москва шаҳрида ўтказилади.