28 май 13:40
Янгиликлар

Дзюдо

Дзюдочиларимиз Москвада чемпион бўлишди. Финалда Россия мағлуб этилди!

Россия Федерацияси пойтахти Москва шаҳрида дзюдо бўйича анъанавий халқаро турнир бўлиб ўтмоқда.

Ички ишлар ҳамда полиция ходимлари ўртасида ўтказиб келинаётган ушбу мусобақа ўз тарихида 17-маротаба ташкил этиляпти. "Мегаспорт" спорт мажмуаси мезбонлик қилаётган ушбу халқаро турнирда Ички ишлар вазирлиги тизимида фаолияти юритиб келаётган Ўзбекистон терма жамоаси юртимиз шарафини ҳимоя қилмоқда.

Қувонарлиси, Жамшид Файзиев мураббийлигидаги дзюдочиларимиз жамоавий баҳсларда ОЛТИН медаль ва Кубокни қўлга киритишди. Ҳал қилувчи финал беллашувида мезбон Россия терма жамоаси мағлуб этилди.

Чемпион таркибимиз: Баҳром Иноятов (-66 кг), Тимур Худайкулов, Умид Абдуллаев (-73 кг), Ғиёсжон Бобоев (-81 кг), Рустам Саидов, Фаррух Бобоев (-90 кг), Фахриддин Шарипов (-100 кг), Дилшод Чориев, Ҳамид Отажонов (+100 кг).