Дзюдочиларимиз Осиё чемпионатини 6 та медаль билан якунлашди

Қитъамизнинг 30 дан ортиқ давлати дзюдочилари иштирок этган мусобақада Илиас Илиадис бошчилигидаги Ўзбекистон терма жамоаси ҳам медаллар учун кураш олиб борди. Уч кунлик беллашувлар якунига кўра дзюдочиларимиз жами 6 та медаль қўлга киритишди. Бироз аввал жаҳон чемпиони Музаффарбек Тўрабоев терма жамоамизга ягона олтин медални тақдим этди. 

Муроджон Йўлдошев (-73 кг) кумуш, Диёра Келдиёрова (-52 кг), Достон Рўзиев (-60 кг), Сардор Нуриллаев (-66 кг) ва Шоҳиста Назарова (-70 кг) Осиё чемпионатининг бронза медалига сазовор бўлишди. Қолган дзюдочиларимиз қитъа чемпионатини медалсиз якунлашди. 

Ғолиб ва совриндор дзюдочиларимиз:

Олтин медаль 

-100 кг: Музаффарбек Тўрабоев

Кумуш медаль

-73 кг: Муроджон Йўлдошев 

Бронза медаллар

-52 кг: Диёра Келдиёрова 

-60 кг: Достон Рўзиев

-66 кг: Сардор Нуриллаев 

-70 кг: Шоҳиста Назарова 

Эртага терма жамоамиз Осиё чемпионатининг жуфтлик баҳсларида иштирок этади. Бу ҳақда бироз кейинроқ батафсил маълумот берамиз.