Дзюдочиларимиз Туркий давлатлар Универсиадасининг биринчи куни 7 та медаль қўлга киритишди, 3 таси олтин!

Ушбу комплекс мусобақада мезбонлардан ташқари Ўзбекистон, Қозоғистон, Озарбайжон ва Туркиядан келган талаба-спортчилар 7 та спорт туридан медаллар учун баҳсларга киришди.  Универсиадада 80 спортчидан иборат Ўзбекистон делегацияси барча спорт турлари бўйича юртимиз шарафини ҳимоя қилмоқда. 

Қувонарлиси, Улуғбек Азизов ва Азиз Ташматов мураббийлигидаги талаба-дзюдочиларимиз Универсиададаги иштироклари муваффақиятли бошлашди. Мусобақанинг илк куни 3 та олтин, 1 та кумуш, 3 та бронза медалини қўлга киритдик.  

Райҳона Маматова (-57 кг), Моҳларойим Тухтамишева (+78 кг), Ҳожиакбар Тошев (-73 кг)  Универсиада чемпиони бўлишди. Рухшона Алишерова (-48 кг) кумуш медалга эга чиққан бўлса, Ширинжон Юлдашева (-70 кг), Сардорбек Эркинов (-90 кг) ва Камолиддин Бахтиёров (-60 кг) бронза медали билан тақдирланди. 

Бугун қолган вазнларда баҳслар давом эттирилади. Ҳозирча медаллар жамғариш бўйича 1-ўринни эгаллаб турибмиз. Озарбайжон 3 та олтин, 1 та кумуш, 1 та бронза медали билан 2-ўринни банд этган. Кучли учликка Қозоғистон 1 та олтин мелаль билан якун ясаган.