Дзюдочиларимиздан бири жаҳон чемпионатининг илк баҳсида Япония, иккинчиси Грузия вакилига қарши татамига чиқади

Дунё биринчилигида 4 қитъанинг 49 давлатидан жами 405 (223 ўсмир, 182 қиз) нафар дзюдочи медаллар йўлида татамига чиқяпти.

Ушбу жаҳон чемпионатида юртимиз шарафини Тоҳир Файзиев мураббийлигидаги истеъдодли дзюдочиларимиздан Иноят Телманов (-66 кг) ва Иномжон Баҳодиров (-73 кг) ҳимоя қилади.

Қуръа натижасига кўра, Иноят Телманов илк даврадаёқ япониялик Рюки Танакага қарши баҳс олиб борадиган бўлди. Иномжон Баҳодиров эса иккинчи даврадан баҳсларга қўшилади ва бу босқичда грузиялик Гиорги Мумладзега қарши татамига чиқади.   

Дзюдочиларимиз учун қуръа натижалари:

-66 кг: Иноят Телманов - Рюки Танака (Япония)

-73 кг: Иномжон Баҳодиров - Гиорги Мумладзе (Грузия)