Дзюдочиларимизнинг Осиё чемпионатидаги медаллари 4 тага етди + ФОТОГАЛЕРЕЯ

Бироз аввал мусобақанинг иккинчи кунги беллашувлари якунига етди. Кечаги кун дастурида -66 кг вазн тоифасида 20 ёшли дзюдочимиз Замоҳшари Бекмуродов финалга қадар етиб бориб, кумуш медални қўлга киритганди. Бу бухоролик ёш дзюдочимизнинг катталар ўртасидаги илк Осиё чемпионатидаги биринчи медали бўлди.

Бугун қитъа чемпионатининг иккинчи куни терма жамоамизнинг 7 нафар аъзоси баҳсларга киришди. Шаҳрам Аҳадов -73 кг вазн тоифасида барча рақибларини енгиб, Осиё чемпионига айланди. Бу бухоролик 28 ёшли Аҳадов учун фаолиятидаги биринчи Осиё чемпионати медали бўлди. Шукуржон Аминова (-57 кг) ва Арслон Тожиев (-81 кг) Осиё чемпионатининг бронза медалига сазовор бўлишди.

Шу тариқа, Ўзбекистон терма жамоаси икки кунлик беллашувлар якунига кўра, 1 та олтин, 1 та кумуш, 2 та бронза медали билан умумжамоа ҳисобида Япониядан кейин иккинчи ўринга кўтарилиб олди.