29 май 07:45
Янгиликлар

Дзюдо

Дзюдочиларимизнинг тоғли Бакурианидаги ўқув-машғулот йиғини давом этяпти ФОТОРЕПОРТАЖ

Хабар берганимиздек, жаҳон чемпионатидан кейин терма жамоамиз Абу-Дабидан тўғри Грузияга йўл олганди.

Илиас Илиадис ва Нурали Қобулов мураббийлигидаги дзюдочиларимиз Бакуриани шаҳрида машғулотларни ўтказишяпти. Денгиз сатҳидан 1700 метр баландликда жойлашган ушбу курорт шаҳарча дзюдочиларимиз учун бегона эмас. Терма жамоамиз қарийб тўрт йилдан бери тоғли Бакурианида ўқув-машғулот йиғинларини ташкил этиб келмоқда.

Машғулотларда Давлат Бобонов, Музаффарбек Тўрабоев, Алишер Юсупов, Шарофиддин Болтабоев сингари таниқли дзюдочиларимиз ҳам тер тўкишяпти. Бу ерда асосан тикланиш ҳамда чидамкорлик машқларига эътибор қаратиляпти.

Терма жамоамизнинг Грузиядаги машғулотлари 11 июнь кунига қадар давом этади.