Дзюдочимиз Актауда ўтган Осиё Очиқ чемпионати совриндори бўлди

Мусобақада Россия, Эрон, Жанубий Корея, Испания каби жами 11 давлатдан дзюдочилар иштирок этди. Улар орасида ўзбекистонлик дзюдочилар ҳам медаллар ҳамда рейтинг очколари учун татамига чиқишди. Мусобақа ғолиби 100 рейтинг очкосини қўлга киритди. 

Ҳамюртларимиздан биргина Достон Мейлиев Осиё Очиқ чемпионатининг совриндори бўлди. -90 кг вазн тоифасида юртимиз шарафини ҳимоя қилган Достон бронза медалини қўлга киритди. У бронза медали учун кечган беллашувларда Қозоғистон ва эронлик рақибларини мағлуб этди. 

Мусобақа якунида 7 та олтин, 8 та кумуш, 10 та бронза медалини қўлга киритган Россия терма жамоаси умумжамоа ҳисобида биринчи ўринни эгаллади. Тўртта олтин, 2 та кумуш, 10 та бронза медалига эга чиққан қозоғистонлик дзюдочилар иккинчи, 2 та олтин ва 3 та бронза медалига сазовор бўлган кореяликлар учинчи ўринни банд этишди.