23 окт 07:23
Янгиликлар

Дзюдо

Дзюдочимиз фахрийлар ўртасидаги жаҳон чемпионатида кучли бешликдан жой олди

Португалия пойтахти Лиссабон шаҳрида дзюдо бўйича фахрийлар ўртасидаги жаҳон чемпионати бўлиб ўтмоқда.

Мусобақада дунёнинг 4 қитъаси 43 давлатидан жами 395 (376 эркак, 19 аёл) нафар фахрий дзюдочилар жаҳон чемпионати медаллари учун татамига чиқяпти. Улар орасида 5 нафар ўзбекистонлик фахрий дзюдочилар ҳам бор.

Кеча -100 кг вазн тоифасидаги икки фахрий дзюдочимиз жаҳон чемпионатида ўз маҳоратини намойиш этди. Мухторхўжа Тулаевга омад кулиб боқмади. Жамшид Файзиев эса бронза медали учун кечган қийин беллашувда польшалик рақибига қўшимча вақтда имкониятни бой бериб, жаҳон чемпионатидаги иштирокини кучли бешликда якунлади.