02 июн 19:02
Янгиликлар

Бокс/ММА

Эдди Хирн Биволнинг эҳтимолий рақибларини айтди

Британиялик машҳур промоутер Эдди Хирн яримоғир вазндаги жаҳон чемпиони Дмитрий Биволнинг кейинги рақиби ким бўлиши мумкинлиги ҳақида фикр билдирди.

Эслатиб ўтамиз, Бивол 30 май куни Екатеринбургда германиялик Майкл Айфертни ҳакамларнинг якдил қарори билан мағлуб этган эди.

"Ҳозир унга Каллум Смит билан жанг белгиланган. Кўпчилик учинчи марта Артур Бетербиев билан жанг ёки Давид Бенавидесга қарши баҳс ҳақида гапирмоқда, аммо Каллум ўз имкониятини олиши керак.

Биз Дмитрий ва унинг жамоаси билан гаплашамиз. Агар у Бетербиев ёки Бенавидесни танласа, унда Смит вакант камар учун Жошуа Буатси билан жанг қилади. Бу ҳам жуда катта жанг бўларди.

Ҳозир қизиқ давр ва Дмитрий спортдаги энг катта жангларга тайёр", — деди Хирн.