17 май 09:28
Янгиликлар

Бокс/ММА

Эдди Хирн: "Ҳозирда Канело - Головкин жанги катта аҳамиятга эга"

Машҳур промоутер Эдди Хирн Сауль Альварес ва Геннадий Головкин ўртасидаги эҳтимолий жанг ҳақида гапирди.

"Бу тўқнашув ҳали ҳам катта аҳамиятга эга. Ғалати бўлиши мумкин. Aммо, ҳозирда Канело ва Головкин ўртасидаги жанг муҳимроқ. Бу сафар одамлар Геннадийни ғалаба қозонишга ишонмоқда.

Илгари барча: "У 39, 40 ёшда ғалаба қозона олмайди", дейишарди. Энди одамлар Канелонинг сўнгги жангини кўриб: "Яхши, Головкинда энди имконият юқорироқ", дея ўйлашмоқда. Демак, бу катта жанг бўлади. Худди Дмитрий Биволга қарши реванш жанги каби.

Агарда Альварес Биволни мағлуб этганида, одамлар уни катта фаворит деб билишарди. Канело ҳамон фаворит. Нима бўлишини кўрамиз", — деди Хирн.

Эслатиб ўтамиз, Канело ва Головкин ўртасидаги биринчи жанг 2017 йилда дуранг билан якунланган. 2018 йил реванш жангида мексикалик боксчи ҳакамлар қарори билан ғалаба қозонганди.