Эдди Хирн: "Жангда буни амалга ошириш деярли иложсиз"

Маълумот учун, британиялик боксчи фаолияти давомида Энди Руис ва оғир вазн тоифасида WBO, WBA, IBF ва IBO чемпиони украиналик Александр Усикка мағлуб бўлган.

Хирннинг айтишича, бу икки мағлубиятни таққослаб бўлмайди. 

— Бу икки мағлубият ўртасидаги фарқ шундаки, Жошуа Руисга нисбатан анча яхши боксчи эди. Руис Энтонига мос рақиб эмасди. Аммо, Усик жиддий рақиб ва Жошуа унга мағлуб бўлди.

Хирннинг таъкидлашича, Жошуа кўпроқ Руисга учралган мағлубиятдан хафа бўлган.

— Жошуа Руисга ютқазгандан сўнг: "Шунчаки қўлга тушиб қолдим. Мен ютқазмаслигим керак эди. Лекин, мағлуб бўлдим", деган. Аммо, Усик билан ҳаммаси бошқача бўлган, сабаби у ҳақиқатдан ҳам мағлуб бўлганди. Жошуа жангда нотўғри тактика танлаган, Усик эса тезкор зарбалар билан уни мағлуб этган.

Промоутер Эдди Хирн украиналик боксчи билан реванш жанги олдидан Жошуанинг руҳий ҳолати ҳақида гапирди.

— Усикка мағлуб бўлганидан сўнг буни қабул қилиш анча қийин кечган. Энди Жошуа жанг учун тўғри тактика танлаши керак. Руис билан реванш жанги олдидан: "Жанг қилмаслик керак" дейишган. Энди унга тажовузкорроқ бўлишни маслаҳат беришмоқда. Усик билан жангда буни амалга ошириш деярли иложсиз. Шу сабаб  ҳозир Жошуага жуда қийин.

Эслатиб ўтамиз, Усик ва Жошуа ўртасидаги реванш жанги 20 август куни Жидда шаҳрида Super Domе аренада бўлиб ўтади.