Эдвардс: "Билол Муҳаммадни 10 та жангдан 10 тасида мағлуб этган бўлардим"

"Нима учун у ўзига бунчалик ишончсиз бўлаётганини тушунмайман. Ҳа, у аввалги жангимизга қараганда анча кучайган, аммо мен жиддийроқ йўлни босиб ўтдим. 27 июлни кутамиз. 

Унинг Шон Брэди устидан қозонган ғалабаси яхши бўлди, у кучайган, аммо жанг кунимиз бунинг аҳамияти бўлмайди. Мен ундан жисмоний ва техник томонлама кучайдим. Бу борада ундан яхшиман. Агар у билан 10 марта жанг қилсам, 10 марта ютган бўлардим. Иккинчи маротаба 27 июль куни жанг қиламиз, мен уни йўлдан олиб ташлайман", - деди Эдвардс.