Эдвардс Макгрегорнинг UFC'га қайтиш эҳтимолини баҳолади

Яримўрта вазнда UFC чемпиони, англиялик 31 ёшли Леон Эдвардс (20-3) икки вазнда собиқ чемпион, ирландиялик Конор Макгрегор (22-6)нинг 2023 йилда октагонга қайтиш эҳтимолини баҳолади.

"Конорга қайтиб келиб, кучли бешлик жангчиси билан курашиш қийин бўлади. Ўйлайманки, у жуда кўп машқ қилган, бу фактор жангчига катта таъсир кўрсатади. Айниқса, у оёғини синдириб, тўғри машқ қилолмагани учун. Мен унинг қайтиб келишини ва муваффақиятга эришишини истардим. Мен хейтер эмасман. Унинг муваффақияти меникига "соя солмайди". Шунинг учун умид қиламанки, у қайтиб келади ва муваффақиятга эришади", - деди Эдвардс.