Екатерина Гейниш ва Дмитрий Чигирёв жуфтлиги Жаҳон чемпионатининг эркин дастурида муваффақиятли чиқиш қилди

Бугунги кун дастуридан жуфтлик йўналишидаги эркин дастур беллашувлари ҳам ўрин олган эди.

Унда Ўзбекистон терма жамоаси аъзолари Екатерина Гейниш ва Дмитрий Чигирёв чиқиш қилиб, якунда 120.68 баллга лойиқ кўрилди. Спортчиларимиз Испан бастакорлари — Буика ва Жейкоб Суредага тегишли Teatro мусиқасини музда ижро этди. Уларнинг жорий мавсум эркин дастурдаги энг яхши натижаси Канада Гран-присида қайд этилганди — 126.12.

Гейниш ва Чигирёв жуфтлиги ўз чиқишида 11 та элементнинг учтасида хатога йўл қўйди. Вакилларимиз бу натижаси орқали бугуннинг ўзидаёқ 2026 йилда Милан ва Кортинада ўтадиган қишки Олимпия ўйинлари йўлланмасига эга чиқиши мумкин. Бироқ ҳозирча эркин дастурда ғолиб ва совриндорлар аниқланмади. Беллашувлар давом этмоқда.

Жуфтлик йўналишида эркин дастурнинг айни дамдаги актуал турнир жадвали (Олдинда яна 8 та жуфтликнинг чиқиши мавжуд):