17 мар 17:02
Янгиликлар

Дзюдо

Екатеринбург “Катта Дубулға”. Собиров ва Ҳусанов илк даврадаёқ мағлуб бўлишди

Россиянинг Екатеринбург шаҳри мезбонлик қилаётган “Катта Дубулға” туркумига кирувчи нуфузли мусобақа ўз якуни сари яқинлашмоқда.

Хабар берганимиздек, бугун турнирнинг сўнгги куни икки ҳамюртимиз мусобақа медаллари ҳамда Токио Олимпиадасининг муҳим рейтинг очколари учун татамига чиқиши керак эди.

Афсуски, ҳар икки дзюдочимиз ҳам ўз иштирокларини биринчи даврадаёқ якунлашга мажбур бўлишди.

-90 кг вазн тоифасидаги вакилимиз Шаҳзодбек Собиров россиялик Исмаэл Хамхоевга, +100 кг вазндаги дзюдочимиз Ҳусниддин Ҳусанов эса яна бир мезбон спортчи Антон Кривобоковга имкониятни бой бериб қўйди.