Екатеринбург мусобақасининг тантанали очилиш маросими бўлиб ўтди ФОТОГАЛЕРЕЯ

Кеча иккинчи кунги баҳсларнинг финал беллашувлари бошланиши олдидан турнирнинг тантанали очилиш маросими ўтказилди. Ёрқин ранглар, бетакрор шоу чиқишлари аренага йиғилган мухлисларга ўзгача завқ бағишлади. 

Эътиборлиси, мусобақа ташкилотчилари очилиш маросимида барча 48 иштирокчи давлатнинг миллий анъаналарини саҳна чиқишларида намойиш этишди.  

Маросимда Россия дзюдо федерацияси президенти Василий Анисимов сўзга чиқиб, иштирокчиларни қизғин қутлади. Қаторасига учинчи йил ҳам мусобақани юқори савияда ўтказаётган Свердловск вилояти губернатори Евгений Куйвашевга миннатдорчилик билдирди. 

“Ўтган йили Екатеринбург жамоалар ўртасидаги Европа чемпионатини юқори савияда ўтказганди. Бир ҳафта олдин ёшлар ўртасидаги Россия чемпионати ҳам айнан шу ерда ташкил этилди. Уч йилдан бери “Катта Дубулға” турнири ҳам муваффақиятли тарзда ўтказиб келинмоқда”, - деди Анисимов.