Эксклюзив! Бронза медалини қўлга киритган Саидхон Сайфуддинов нималар дейди?

"Ушбу мусобақа учинчи маротаба ўтказилмоқда. Тўғрисини айтсам, бундай турнирда илк маротаба финалда иштирок этдим. Ҳаяжон жуда катта бўлди. Давлатимизнинг қўллаб-қувватлашини ҳис қилиб турдим. Қўлимдан келган барча ишни қилдим ва учинчи ўринни қўлга киритдим. Насиб қилса, бундан кейинги турнирларда биринчи ўринни олиб, Ўзбекистон байроғини баландларга кўтараман.

Рақиблар? Тан оламан, улар кучли эди. Уларга қарши олдин ҳам баҳс олиб борганман. Лекин, иштироким вақтида улар ҳақида ўйламадим. Натижани ҳам ўйламадим. Натижа ва медаль ҳақида ўйласангиз, бу нарса сизга ҳалал бериб қолиши мумкин.

Охирги уринишда хатолик ўтказдим. Тўғрисини айтсам, ҳаяжон кучайиб кетди.

Насиб қилса, меҳнат қилишда давом этаман. 2020 йилда бўлиб ўтадиган Токио Олимпиадасида иштирок этишга ҳаракат қиламан", - дейди совриндор спортчимиз.


Нодирхўжа Юлдашев
Озарбайжон, Боку