Эл Яквинта: Мен Гэтжига қарши жангда Хабибга тикаман

"Очиғи, Фергюсон - Гэтжи жанги мени хайрон қолдирди. Мен ҳаммаси айнан шундай якун топишини кутмагандим. Гэтжи хайратимнинг ошишига сабабчи бўлди. Фергюсон эса ўзига ўхшамади. 

Шубҳасиз, Жастиннинг Хабиб Нурмагомедов билан ўтказадиган жангига қизиқиш жуда ҳам юқори. Шу кунгача Гэтжини ҳеч ким партерда ушлай олмаган. Хабиб эса рақибларини айнан шу ерда янчиб ташлайди. Фикримча, жанг тақдири партерда ҳал бўлади. Гэтжи "стойка"да шунчаки даҳшатнинг ўзи. Хабиб эса партерда тенгсиз. Шу жиҳати билан ҳам жанг жуда ҳам қизиқарли ўтади. Шахсан мен бўлажак жангда Хабибнинг ғалабасини кутяпман", — деди Яквинта.

Эслатиб ўтамиз, Хабиб Нурмагомедов ўз жангларининг бирида Эл Яквинтани мағлубиятга учратган эди.