28 фев 08:37
Янгиликлар

Спорт курашлари, Кураш

Елмурат Тасмурадов тўрт карра Осиё чемпиони!

Қирғизистон пойтахти Бишкек шаҳрида юнон-рум кураши бўйича Осиё чемпионати старт олганлиги ҳақида хабар қилгандик.

Риодаги Олимпия ўйинларида совриндор бўлган курашчимиз Елмурат Тасмурадов бугун Бишкек шаҳрида ҳам ўзининг нималарга қодир эканлигини исботлади.

Ҳамюртимиз ҳал қилувчи финал жангида қирғизистонлик Урмат Аматовни 8:0 ҳисобида мағлубиятга учратди.

Маълумот учун, ушбу чемпионлик Тасмурадов учун Осиё чемпионатидаги тўртинчи олтин медалдир. Елмурат бунгача Нью-Дели (2013), Астана (2014) ҳамда Доҳа (2015) шаҳарларида ўтказилган Осиё чемпионатларида олтин медалларни қўлга киритган. 2012 йилда Кумида ўтган қитъа биринчилигида эса у кумуш медаль билан кифояланганди.