19 май 16:52
Янгиликлар

Бокс/ММА

Элнур Абдураимов: "Худо хоҳласа ўз вазнимда барча чемпионлик камарларини қўлга киритаман!"

Боксчимиз Элнур Абдураимов Екатеринбургда Исса Нампепече устидан қозонилган ғалабадан сўнг ўз фикрларини билдириб ўтди.

"Екатеринбургдаги жанг оқшомида рингга чиқиш имкониятини яратиб бергани учун RCC Boxing'га миннатдорчилик билдираман. Менежер ва мураббийимга алоҳида раҳмат. Жанг томошабинлар учун қизиқарли кечди. Танзаниялик боксчи 30 дан ортиқ жанг ўтказган, у савиясини кўрсата олди, аммо мени хеч нарса билан ҳайрон қолдира олмади.

Бешта жангда бешта нокаут? Бунинг хеч қандай сири йўқ, шунчаки спорт залидаги қаттиқ меҳнат. Худо хоҳласа ўз вазнимда барча чемпионлик камарларини қўлга киритаман", - дея боксчимизнинг сўзларидан иқтибос келтирмоқда RCC Boxing компанияси матбуот хизмати.