05 дек 13:21
Янгиликлар

Бокс/ММА

Элнур Абдураимовнинг навбатдаги жанг санаси ва рақиби аниқ

Проф боксда мағлубиятсиз одимлаётган ҳамюртимиз Элнур Абдураимов Мексикада жанг ўтказади.

«Мир Бокса» промоутерлик компаниясининг боксчиси Элнур Абдураимов (10-0, 9 КО) 17 декабрь куни Мексиканинг Мехикали шаҳрида жанг ўтказади. Унинг рақиби мезбонлар вакили Кристиан Бьелма бўлади.

Мексикалик боксчи проф фаолияти давомида 19 ғалаба (7 нокаут), 4 мағлубият, 2 дуранг натижа қайд этган. Ушбу жанг саккиз раундга мўлжалланган.

Эслатиб ўтамиз, 28 ёшли боксчимиз жорий йилнинг июль ойида АҚШда ўтган аввалги жангида мексикалик Леонел Моренони биринчи раунддаёқ нокаутга учратиб, вакант бўлган енгил вазн тоифасидаги IBF Шимолий Америка камарини қўлга киритган эди.