Элнур ва яна уч профессионал боксчимиз Екатеринбургда рингга кўтарилади

Ҳозирча боксчимизга ўша кунги жангда ким рақиблик қилиши номаълум. "RCC Boxing Academy" мезбонлик қиладиган жанг оқшомида шунингдек Алишер Хабибуллаев, Сардор Музаффаров ва Равшанбек Умрзоқов каби боксчиларимиз рингга чиқишади.

Алишер Хабибуллаев (72,6 кг, 4-1) мезбон боксчи Илья Баландинга қарши жанг қилса, Сардор Музаффаров (-55,2 кг, 4-1) тожикистонлик Асрор Воҳидов билан тўқнаш келади. Равшанбек Умрзоқов эса (-61,2 кг, 8-0) Жанубий Африка Республикаси вакили Энтони Молоисанни синовдан ўтказади. 

Демак, 18 май куни Екатеринбургдаги профессионал бокс оқшомида тўрт нафар ўзбекистонлик чарм қўлқоп устасининг чиқишига гувоҳ бўлишимиз мумкин.