16 май 14:02
Янгиликлар

Бокс/ММА

Элнурнинг проф боксдаги дебют жангига 2 кун қолди, лекин рақиб ҳали маълум эмас+ФОТО

18 май куни яна бир чарм қўлқоп устамиз Элнур Абдураимов АҚШда ўзининг профессионал боксдаги фаолиятини бошлайди.

Ҳаваскор боксда жаҳон чемпионати совриндори, Осиё чемпиони, беш карра Ўзбекистон чемпиони Элнур Абдураимов АҚШ вақти билан 18 май куни кечқурун, бизнинг вақт билан 19 май санаси тонг саҳарда профессионал боксдаги дебют жангида рингга кўтарилади.

Жангга 2 кун вақт қолган бўлсада, ҳали ҳамюртимизнинг рақиби номига ойдинлик киритилмаган. Ҳозирда боксчимизнинг мексикалик промоутерлари бу борада иш олиб боришяпти. Аслида Элнур 20 апрель куни АҚШда илк жангини ўтказиши керак эди. Лекин рақиб топилмагани сабабли жанг бекор бўлганди.

АҚШда бўлиб турган боксчимизнинг мураббийи Равшан Ходжаев билан боғланганимизда, у ҳам ҳали рақиб топилмаганини тасдиқлади. Жанг АҚШнинг Нью-Йорк шаҳрида Queens аренасида бўлиб ўтади.