16 авг 17:46
Янгиликлар

Футбол

Эмерик Ляпорт ҳам фаолиятини Саудия Арабистонида давом эттиради

"Манчестер Сити" "Ал Насср"нинг Эмерик Ляпорт трансфери бўйича таклифини қабул қилди.

Футболчининг "шаҳарликлар" билан яна икки йиллик шартнома бор эди. Ўтган мавсум Ляпорт "Сити" сафида барча мусобақаларда 24 ўйинда майдонга тушди ва номига 1 та ассист ёздириб қўйди.

Эслатиб ўтамиз, таркибида Роналдуси бор "Ал Насср" шу ёз Алекс Теллес, Марцело Брозович ва Садио Манени таркибига қўшиб олганди.

Қизиқ томони, аввалроқ марказий ҳимоячи хизматларига Лондоннинг "Арсенал" жамоаси қизиқиш билдирганди.