07 июн 17:03
Янгиликлар

Бокс/ММА

Энди Руис реванш учун 50 млн доллар сўраяпти

Профессионал бокснинг супероғир вазн тоифаси янги қироли Энди Руис реванш жангига осонликча розилик бермайдиган кўринади.

Мексикалик жаҳон чемпиони ўзининг сўнгги интервьюларида энди шартни у қўйишини айтмоқда.

- Энтони Жошуага қарши реванш жанги ўтказилишига қарши эмасман. Лекин энди ҳаммаси бошқача бўлади. Жанг учун шартларни энди мен қўяман. Аввал бу ваколатга Жошуа эга эди ва унинг айтгани айтган, дегани деган эди. Реваншдаги гонорарим 50 миллион доллар бўлиши шарт, - деди Руис.