Энди Руис: Саудия? Йўқ! Жошуага қарши реванш АҚШда, мен қўйган шарт асосида ўтказилади

Мексикалик жаҳон чемпиони собиқ жаҳон чемпиони Энтони Жошуага қарши реванш жангининг аввалроқ эълон қилинганидек, Саудия Арабистонида ўтказилишига қарши бўлмоқда. Жошуанинг промоутери Эдди Хирн реванш жангининг 7 декабрь куни Саудия Арабистонида ўтказилишини ошкор этганди.

“Матбуотда реванш жангининг Саудия Арабистонида ўтказилиши ва жанг шартномасига ҳар икки боксчи ҳам имзо чекканлиги ҳақидаги хабарларни ўқидим. Ҳа, реванш ўтказилади ва бунга ҳеч қандай шак-шубҳа йўқ! Лекин Саудия Арабистонида эмас. 

Айни пайтда жаҳон чемпиони менман. Демак, шартни ҳам мен қўяман, Жошуа ёки Хирн эмас. Реванш жанги АҚШда бўлиб ўтади. Жанг шартларини мен айтаман. Жошуа чемпион бўлган пайтларида унинг айтгани бўлган. Анъана бузилмаслиги керак”, - дея ўзининг Instagram саҳифасида хабар қолдирган Руис.

Энди Руиснинг сўзларига қараганда, уни Саудия Арабистонидаги хавфсизлик масаласи қониқтирмаяпти.