25 окт 07:12
Янгиликлар

Паралимпия

Энг кучли пара каноэчилар аниқланди

Тошкент вилоятида жойлашган “Туябўғиз” сув омбори ҳавзасида пара каноэ бўйича ёшлар ва катталар ўртасидаги Ўзбекистон чемпионати ўтказилди.

Мусобақада юртимизнинг турли ҳудудларидан жами 70 нафарга яқин пара каноэчи ғолиблик учун ўзаро баҳс олиб борди. Мусобақа якуний натижаларига кўра, Тошкент вилояти жамоаси ғолиб бўлди. Тошкент шаҳри ва Фарғона вилояти жамоалари кучли учликни якунлаб берди.

Қайд этиш лозимки, ушбу чемпионат келгуси йил юртимизда ўтадиган ёшлар Параосиё ўйинлари ҳамда бўлажак нуфузли халқаро мусобақалар олдидан муҳим тайёргарлик вазифасини ўтайди.