28 окт 09:41
Янгиликлар
Бокс/ММА
Энг ёш UFC жангчиси рақамланган турнирда дебют қилади + ПОСТЕР
Америкалик аралаш яккакурашчи Рауль Росас Жуниорнинг UFC промоушенидаги дебют жанги санаси ва рақиби маълум бўлди.
17 ёшида UFC билан шартнома имзолаган Росас промоушен тарихидаги энг ёш жангчига айланган эди. Ҳали 18 ёшга тўлмагани учун ота-онасининг розилиги ёзма тарзда олинганди. Энди Рауль Жуниор 10 декабрь куни АҚШнинг Лас-Вегас шаҳрида ўтказиладиган UFC 282 турнирида ташкилотдаги илк жангини ўтказади.
Унинг рақиби америкалик 29 ёшли Жей Перрин бўлади. Перрин ММАдаги фаолияти давомида 10 ғалаба ва 6 мағлубият қайд этган. UFC "қафаси"да ўтказган ҳар икки жангида ҳам мағлубият аламини тотиб кўрган. Рақибидан 12 ёшга кичик бўлган Росас эса 6 та жангининг барчасида зафар қучган.
Эслатиб ўтамиз, Рауль Росас Жуниор Dana White’s Contender Series турнирида Мандо Гутьерресни мағлубиятга учратганидан кейин UFC промоушени билан шартнома имзолаган эди.
Ҳавола :
Фикрлар