Енгил атлетика бўйича 2022 йилги жаҳон чемпионати дастурида ўзгаришлар

Южинда (АҚШ) ўтадиган мусобақанинг спортча юриш йўналиши эркаклар ва аёллар ўртасида 20 ва 35 километр масофаларга ўтказилади. Бунда ҳар бир пойга бўйича спортчиларнинг сони 2019 йилдаги каби бўлади. Фақат битта истисно бор: 35 километрга ҳам эркаклар, ҳам аёллар ўртасида спортча юришда 60 тадан ўрин берилади. 

Бу 2019 йилдаги 50 километрга спортча юриш дастурига қараганда эркаклар учун 50 та, аёллар учун эса 30 та ўрин ортиқ бўлишини англатади.

Шуни таъкидлаш жоизки, енгил атлетика бўйича мусобақаларда анъанавий ҳисобланган 50 километрга спортча юриш “Токио-2020” Олимпия ўйинларидан кейин халқаро мусобақалар дастуридан чиқарилади.