Енгил атлетика. Жиззахда "Олимпия чўққилари" мусобақаси ўтказилди

Мусобақада 14 та жамоа яъни мамлакатимизда фаолият олиб бораётган Олимпия захиралари коллежи терма жамоалари иштирок этди. Мусобақалар жуда ҳам қизиқарли ва курашларга бойлиги билан ажралиб турди.

Шуни таъкидлаш лозимки, мусабақада Жиззах олимпия захиралари коллежи терма жамоаси мувафаққиятли иштирок этди. Жамоа 5 та олтин 2 та кумуш ва 3 та бронза медалларни қўлга киритди. 

Спортчилардан Чарос Расулова 200 метрга ва 400 метрга югуришларда марра чизиғини биринчи бўлиб кесиб ўтди ва олтин медални қўлга киритди. Ўғил болалар ўртасида 3000 метрга югуришда Жиззах олимпия захиралари коллежи ўқувчиси Шаҳобиддин Каюмовга етадиган спортчи топилмади ва у ғалабани қўлга киритди. 

Мусобақанинг биринчи кунида Жиззах олимпия захиралари коллежи қизлар жамоаси яъни Чарос Расулова Фарида Газизова Азиза Пўлатова ва Севинч Мирзаразимовалардан ташкил топган  4×100 метрли эстафетада биринчи бўлишган бўлса иккинчи кунда ҳам ғалаба нашидасини давом эттиришди. 

Мусобақанинг биринчи кунида 100 метрга тўсиқлар оша югуришда Фарида Газизова кумуш медалини иккинчи кун баҳсларида у 800 метрга югуришда кумуш медалларга эгалик қилди. Бронза медали эса Севинч Мирзакаримовага насиб этди. 1500 метрга югуришда бронза медали Шахобиддин Абдукаюмовга ва узунликка сакрашда Сефил Холиса бронза медалини қўлга киритди. Жиззах олимпия захиралари коллежи ва вилоят терма жамоасининг юқори натижаларига эришишида вилоят энгил атлетика терма жамоаси бош мураббийи ва ЖОЗК енгил атлетика бош мураббийи Алишер Толиповнинг хизматлари беқиёс эканлигини алоҳида   таъкидлаш лозимдир. 

Жамоавий  биринчилик натижаларига кўра Андижон вилояти  (7 олтин, 2 бронза), Жиззах вилояти (5 та олтин,2 кумуш ва ва 3 та бронза), Самарқанд вилояти (3 та олтин, 5 та кумуш ва 3 та бронза), Наманган вилояти (3 та олтин, 1 та кумуш ва 5 та бронза), Хоразм вилояти (2 та олтин, 5 та кумуш ва 1 та бронза), Навоий вилояти (1 та олтин, 2 та кумуш, 2 та бронза), Тошкент шахар (1 та олтин, 1 та кумуш ва 3 та бронза), Тошкент вилояти (2 та кумуш ва 2 та бронза), Қорақалпоғистон Республикаси (1та кумуш ва 2 та бронза), Сирдарё вилояти (1 та кумуш ва 1 та бронза), Қашқадарё вилояти (1 та кумуш ва 1 та бронза), Бухоро вилояти (1 та кумуш) медалларига сазовор бўлишди. 

Дилдора Холбоева тайёрлади