04 фев 18:00
Янгиликлар
Енгил атлетика
Енгил атлетика. Осиё чемпионатини кумуш медаль билан якунладик
Эронда енгил атлетика бўйича ёпиқ иншоотлардаги Осиё чемпионати якунига етди.
Мусобақанинг сўнгги кунида кўпкураш баҳсларида қатнашган Александра Юркевская терма жамоамиз ҳисобига яна бир медални қўшиб қўйди.
Ҳамюртимиз кўпкураш якунларига кўра 3858 очко тўплади ва якунда иккинчи ўрин соҳибига айланди. Биринчи ўринни мезбонлар вакили Сиподоҳ Тавакотич қўлга киритган бўлса, туркманистонлик Ирина Велихановага бронза медали насиб қилди.
Шу тариқа, Ўзбекистон терма жамоаси Эрондаги Осиё чемпионатини иккита олтин ва битта кумуш медаль билан якунлади. Бунгача Надия Дусанова ва Елена Смольяновалар мусобақада олтин медаль соҳибига айлангандилар.
Ҳавола :
Манба : olympic.uz
Фикрлар