"Енгил атлетика: ривожланиши, муаммолари, истиқболлари" мавзусида онлайн семинар ўтказилди

Ўзбекистон давлат жисмоний тарбия ва спорт университетининг жисмоний тарбия, спорт назарияси ва услубияти кафедраси ҳамда Енгил атлетика назарияси ва услубияти кафедраси ҳамкорликда “Енгил атлетика: ривожланиши, муаммолари, истиқболлари” мавзусидаги илмий-назарий онлайн семинар ўтказилди.

Онлайн семинарда Ўзбекистон енгил атлетика федерацияси Бош котиби, Осиё Енгил атлетика Федерацияси Ҳакамлар тайёрлаш Техник деректори, Камолиддин Рузамухамедов, Енгил атлетика бўйича миллий терма жамоаси Бош мураббийи, Осиё ўйинлари ғолиби, Хизмат кўрсатган спортчи Гузал Хуббиева, Енгил атлетика Ўзбекистон Ҳакамлар ҳайъати раиси Хасан Ортиқов, университетнинг илмий ишлар ва инноватсияцлар бўйича проректори Камил Баязитов ҳамда кафедра мудирлари, профессор-ўқитувчилар ва талабалар иштирок этишди.

Семинарда мутахассислар “Ўзбекистонда енгил атлетиканинг муаммолар ва истиқболлар”, “Оммавий спорт мусобақаларини ташкиллаштиришда ҳакамлик” ва “Спортчилар тайёрлаш тизимида илмий ёндошув: муаммо ва ютуқлар” масалаларига бағишланган маърузалар билан иштирок этдилар.

Хусусан, маъруза доирасида енгил атлетика бўйича спортчиларнинг халқаро мусобақаларда қатнашиш даражаси ўта пастлиги, уларни бартараф этиш бўйича эса федерацияси томонидан спортчилар учун шароитлар яратиш, хакам ва мураббийлар учун доимий ва тизимли равишда мастер-класс, малака оширишларни йўлга қўйиш борасида “режалаштириш харитаси” ишлаб чиқилаётгани таъкидланди.

Шунингдек, университетда таҳсил олаётган битирувчи талабаларнинг иш билан таъминлаш борасида кадрларга эхтиёжи бўлган худудлар тўғрисида ҳам маълумотлар бериб ўтилди.

ЎзДЖТСУ матбуот хизмати