23 апр 07:56
Янгиликлар

Енгил атлетика

Енгил атлетика. Руслан Қурбонов Осиё чемпиони!

Қатар пойтахти Доҳа шаҳрида ўтказилаётган енгил атлетика бўйича Осиё чемпионати Ўзбекистон миллий терма жамоаси ҳам иштирок этмоқда.

Уч хатлаб сакраш бўйича ўтказилган баҳсларда иштирок этган юртдошимиз Руслан Қурбонов 16,93 метр натижа қайд этиб, мусобақанинг олтин медалини қўлга киритди.

Қитъа биринчилигида юртимиз шарафини Надия Дусанова, Светлана Радзивил, Нигина Шарипова, Роксана Худоёрова, Екатерина Воронина, Александра Юркевская, Санобар Эркинова, Иван Маркелов, Алина Яблокова, Марат Ҳайдаров, Суҳроб Хўжаев, Иван Денисов, Сергей Дементьев ва Никита Логинов ҳимоя қилмоқда.

Маълумот учун, Доҳадаги “Халифа” стадионида ўтказиладиган чемпионатда мусобақа ташкилотчилари хабарига кўра 44 давлатдан ташриф буюрган спортчилар 186 та медаллар жамланмаси учун баҳс олиб боришмоқда.