15 июн 14:17
Янгиликлар

Енгил атлетика

Енгил атлетикачиларимиз Осиё чемпионатида иккита медаль қўлга киритишди

Жанубий Кореянинг Мокпхо шаҳрида енгил атлетиканинг улоқтириш турлари бўйича Осиё чемпионати бўлиб ўтмоқда.

Ўзбекистон терма жамоаси аъзолари мусобақадаги иштирокларини якунлашди.

Юртдошларимиз муросасиз баҳсларда 1 тадан кумуш ва бронза медалларини қўлга киритдилар. Кумуш медалга босқон улоқтириш секторида Зарина Носиржонова эгалик қилган бўлса, ядро улоқтиришда Малика Насриддинова бронза медали соҳибига айланди.

Кумуш медаль:
Зарина Носиржонова (босқон улоқтириш, 64,54 метр)

Бронза медаль:
Малика Насриддинова (ядро улоқтириш, 17,06 метр)

Афсуски, қитъа биринчилигида қатнашган қолган юртдошларимизнинг натижаси медаллар учун етарли бўлмади.