Енгил атлетикачиларимизнинг Туркиядаги старти омадли ўтди

11 давлат вакиллари қатнашган мусобақада ҳамюртларимиз муваффақиятли иштирок этишди.

Мусобақанинг биринчи кунидаёқ атлетларимиз ўз чиқишлари билан кўпчиликнинг диққат-марказида туришди. Эркаклар ўртасида узунликка сакраш баҳсида дастлабки уч ўрин юртдошларимизга насиб этди.

Жавоҳир Нориев – 7.43
Иван Денисов – 7.11
Андрей Резниченко – 7.09

Баландликка сакраш секторида эса Дмитрий Мельситов 2.06 метр натижа билан ғалаба қозонди.

Иккинчи кун дастурида уч ҳатлаб сакраш баҳсида Иван Денисов (15.19), аёллар ўртасида узунликка сакраш беллашувида эса Дарья Резниченко (6.06) энг яхши натижани қайд этишди. Ёш найза улоқтирувчимиз Зарина Носиржонова 61.89 метр билан кучли учликдан жой олган.

Яна бир қизиқарли беллашув баландликка сакраш йўналишида кузатилди. Унда терма жамоамизнинг 3 етакчилари Сафина Садуллаева (1.92), Светлана Радзивил (1.90) ҳамда Надия Дусанова (1.84) мос равишда совринли ўринларни эгалладилар. Қайд этиш жоиз, Садуллаева Токио-2020 нормативини ташкил этувчи 1.96 метр баландликни забт этишга уриниб кўрди. Бироқ мазкур ҳаракатлар омадсиз якунланди.