Енгилмас нокаутчи Баҳодир Жалоловни жангга чорлади

Супероғир вазнда 23 ёшли америкалик боксчи Жаред Андерсон (12-0, 12 КО) ҳамюртимиз Баҳодир Жалолов (11-0, 11 КО) билан эҳтимолий жанг ҳақида гапирди.

"Мен оғир вазндаги энг яхши боксчиман. Мен харизма ва табассум ила фаолиятимни давом эттираман. Мен буни одамларни роҳатлантириш учун қиламан. Барчангиз буни кўриб, билиб турибсиз.

Жалолов — яхши боксчи. У масофа сақлашни билади. Қандай вазиятда зарба йўллаш керак эмаслигини билади. Шунингдек, у чап қўлда яхши жанг қилади. Агар Жалолов АҚШга кела олса, мен жанг қилишим мумкин бўлган йигитлардан бири бўлади", - деб айтиб ўтган Андерсон.

Жаред Андерсон сўнгги жангини 27 август куни сербиялик Милан Ровчанин (24-2-0)га қарши ўтказиб, нокаут эвазига ғалаба қозонган эди.

Баҳодир Жалолов 26 ноябрь куни АҚШда Кёртис Харперга қарши жанг қилиши ҳақида аввалроқ хабар берган эдик.