Энтони Жошуа матбуот анжуманида нималар деди?

Матбуот анжуманида берган интервьюсида британиялик боксчи ушбу жангда ғалаба қозонишга ишончи комил эканини айтди.

"Бу жуда оддий – жангда ғалаба қозониш керак! Мен босимни яхши кўраман. Жангга тайёргарлик қийин кечди. Энди фақат инстинктларингизга ишониб, диққатни жамлаб, ишни якунлаш ва Худо хоҳласа ғалаба қозониш керак", — деди Жошуа.

Жошуа ғалаба чемпионлик камарларидан устун эканини таъкидлади.

"Ҳаммаси рақобат билан боғлиқ. Ўша оқшом рингда кўзлаган мақсадларим бор. Бу ўзим билан жанг. Ҳа, чемпионлик камарлари кўп нарсани англатади. Лекин улар мен учун охирги ўринда. Бу жараёнга бор эътиборимни қаратаман", — дея қўшимча қилди британиялик.

Эслатиб ўтамиз, боксчилар ўртасидаги илк жанг ўтган йилнинг 26 сентябрида бўлиб ўтган эди.

Аввалроқ, ушбу жангга нафақат украиналик боксчининг, балки Тайсон Фьюрининг ҳам вакант камари қўйилгани ҳақида хабар берган эдик.