Энтони Жошуа: «Мен мағлубиятимни тан олдим»

Оғир вазн тоифасида собиқ жаҳон чемпиони Энтони Жошуа (24-2, 22 КО) WBА, IBF, WBО ва IBО чемпионлик унвонлари соҳиби Александр Усикга (19-0, 13 КО) қарши мағлубиятдан кейинги мотивацияси ҳақида айтиб берди.

“Мен мағлубиятимни тан олдим. Ўзимни ёмон боксчи деб айтмаяпман. Яна бир яхши жангчи билан тўқнашувда муваффақиятсизликка учрадим. Бу менинг оқшомим эмас эди, биз қайтдик. Одамларнинг муносабатини кўрганимда, уларнинг руҳий жиҳатдан кучлироқ бўлишини хоҳлайман. Мағлубиятнинг ўзи тўхташ керак дегани эмас. Ҳатто ўнта мағлубият ҳам тўхташ керак дегани эмас.

Сизни қайси нуқтада буюк келажак кутаётганини ҳеч қачон билмайсиз. Агар бугун мен икки марта мағлубиятга учраганим учун тўхтасам, мен ўйлаган ишлар амалга ошмайди, демак, мен қанчалик узоққа боришим мумкинлигини ҳеч қачон тўлиқ била олмайман.

Шунинг учун мен буни мотивация сифатида ишлатаман. Мен ютқазган бўлишим мумкин, лекин мени нима кутмоқда? “ - деди Жошуа.