14 сен 11:27
Янгиликлар

Бокс/ММА

Энтони Жошуа: “Поветкин 39 ёшда? Жангдан кейин у ўзини 69 ёшдек ҳис қилади”

Профессионал бокснинг супероғир вазн тоифасида WBA, WBO ва IBF йўналишлари чемпиони Энтони Жошуа россиялик Александр Поветкинга қарши жанги олдидан яна бир бор фикр билдирди.

Британиялик жаҳон чемпиони бўлажак жангида Поветкинни муддатидан аввал мағлуб эта олишига ишоняпти.

“Мен аллақачон жаҳон чемпиониман. Лекин шунда ҳам спарринг-рақиблардан ўрганишда давом этяпман. Улар жангга қадар рингни тарк этишади, лекин Поветкин мен билан охиригача рингда бўлади.

Кўрамиз, у қанча вақт дош бера олар экан? Поветкин 39 ёшда? Бизнинг ўзаро жангимиздан кейин у ўзини худди 69 ёшдек ҳис қила бошлайди”, - деди Жошуа.

Эслатиб ўтамиз, Энтони Жошуа ва Александр Поветкин ўртасидаги чемпионлик жанги 22 сентябрь куни Лондон шаҳридаги “Уэмбли” стадионида бўлиб ўтади.