Энтони Жошуа: "Украина ҳақида ўргандим, у ерда фуқаролар уруши, тартибсизликлар бўлган"

"Мен Украина ҳақида ва у ердан чиққан барча чемпионлар ҳақида ўргандим. У ерда ҳеч қачон бўлмаганман ва нималар содир бўлганидан бехабарман, лекин бу ёқимсиз. Ломаченко Орландо Салида билан жанг қилганида, Украинада тартибсизликлар, фуқаролар уруши бўлганини кўрдим. Виталий Кличко Дэнни Уильямс билан жанг қилганида ҳам фуқаролар тартибсизликлари бўлган экан. Шундай шароитда Усик чемпион бўлишга муваффақ бўлди", - дея таъкидлади Жошуа.

Эслатиб ўтамиз, Александр Усик ва Энтони Жошуа ўртасидаги реванш жанги 21 август эрта тонгида бўлиб ўтган эди.

Аввалроқ, Энтони шу йилнинг ўзида рингга қайтмоқчилиги ва ҳар қандай боксчи билан жанг қилиши мумкинлигини айтиб ўтган эди.