Энтони Жошуага 1 апрель куни ким рақиблик қилиши маълум бўлди

Оғир вазн тоифасида собиқ жаҳон чемпиони, британиялик боксчи Энтони Жошуанинг (24-3) 1 апрель куни навбатдаги жангини ўтказиши ҳақида хабар берган эдик.

Ўша куни Энтонига ким рақиблик қилиши маълум бўлди. Унга кўра, Жошуа навбатдаги жангини америкалик Жермейн Франклинга (21-1) қарши ўтказади.

Жанг 1 апрель куни Лондон шаҳрида жойлашган O2 аренасида ўтказилиши кутилмоқда.

Энтони Жошуа сўнгги бор 2022 йил 20 август куни украиналик Александр Усикка (20-0) қарши реванш жангида рингга кўтарилиб, ҳакамлар қарори билан мағлуб бўлган эди. Жермейн Франклин эса оҳирги жангини ўтган йилнинг 26 ноябрида британиялик Диллиан Уайтга (29-3) қарши ўтказиб, очколар ҳисобига мағлуб бўлган эди. Қайд этиш лозим, бу Франклиннинг фаолиятидаги ягона мағлубият бўлиб турибди.