Энтони Жошуанинг навбатдаги рақиби ким бўлиши нимага боғлиқ эканлиги айтилди

"Барчаси Энтони қачон жанг қилишни исташига боғлиқ. Агар у апрель ёки майгача кута олса Диллиан Уайтга қарши рингга кўтарилади. Агар февралда қайтадиган бўлса, оралиқ жангини ўтказиши лозим бўлади. У шу ҳафта Абу-Дабига келади ва биз бирга режаларни муҳокама қилиб оламиз. 

Мен августда Шелли Финкелга жанг ташкил қилиш бўйича хат юборгандим. Кеча у жавоб берди. У бу ҳафта Абу-Дабига кела олмайди. Гарчи Жошуа ҳар қандай рақибга қарши жангга тайёр бўлсада, Деонтей Уайлдер билан жанг иккинчи режага айланиши мумкин", - деди Хирн.