Энтони Смит Чимаев ҳақида: "Бундан бир неча йиллар олдин бир ёш йигит спаррингларда Густафссон ва Латифиларни янчиб ташлаётгани ҳақида эшитгандим"

Энтони Смит Чимаев йиллар давомида UFC юлдузларини машғулотларда қийнаб келгани ҳақида гапирди.

"Кўпчилик у ҳақида гапирмоқда. Мен эса Хамзатни UFC'га келишидан анча аввал билар эдим. Бундан бир неча йиллар олдин бир ёш йигит спаррингларда Густафссон ва Латифиларни янчиб ташлаётгани ҳақида эшитгандим. Хамзат UFC'га келиб, ғалабалар қайд этганидан сўнг ҳам мен бу гапларни ичимда сақлаб келардим. Кейин эса ёнимдаги инсонлар Хамзат аввалдан барчага муаммо бўлиб келганини менга жуда кўп марта айтишди. Аммо, буларни ҳаммаси мен учун янгилик эмас эди", -дейди Энтони Смит.