21 июн 14:47
Янгиликлар

Бокс/ММА

Энтони Смитнинг UFCда навбатдаги рақиби маълум

UFC камарига собиқ даъвогар Энтони Смит 29 августда навбатдаги жангини ўтказади.

"MMA Junkie"нинг хабар беришича, унинг рақиби Александр Ракич бўлади. Ҳозирча турнирнинг қаерда бўлиши номаълум. Смит ҳозирда ярим оғир вазн UFC рейтингининг 6-поғонасини банд этган. У аввалги жангини Жексонвиллдаги турнирда Гловер Тэйшерага қарши ўтказиб, мағлуб бўлган эди.

Австриялик Ракич эса UFC рейтингида тўққизинчи ўринни эгаллаб турибди. У сўнгги бор 2019 йилнинг декабрь ойида октагонга кўтарилган ва Волкан Оздемирга имкониятни бой берганди. Бу унинг фаолиятидаги биринчи мағлубияти эди.