13 май 19:27
Янгиликлар
Футбол
Эрик тен Хаг "МЮ"нинг ривожланишига нима тўсқинлик қилаётганини айтди
"Манчестер Юнайтед" бош мураббийи Эрик тен Хаг "Арсенал"га қарши учрашувдан сўнг жамоанинг муаммолари ҳақида фикр билдирди.
"Ҳар қандай мураббий янги иш жойида яхши ишлашга ҳаракат қилади. Аммо мен жамоага икки йил аввал келганимга қарамасдан ҳали ҳеч бир учрашувда тўлиқ таркиб билан майдонга тушмадим. Бизда жароҳатлар жуда кўп ва бунча жароҳат билан жамоа ривожланиши имконсиз.
Агар жамоанинг барча футболчилари соғ бўлса, биз энг зўрларидан бири бўламиз. Бироқ айни вақтда биз бундай бўла олмаймиз, сабаби бизда жароҳатлаган футболчилар сони жуда кўп. Бу эса бизнинг ўйинга таъсир кўрсатмоқда", — деди Эрик тен Хаг.
Маълумот учун, МЮ жорий мавсум якунига бир тур қолганида турнир жадвалида 54 очко билан 8-поғонада бормоқда.
Ҳавола :
Фикрлар