18 июл 17:17
Янгиликлар

Спорт курашлари

Эркин курашчиларимиз жаҳон чемпионатига йўл олишди

19-25 июль кунлари Венгрия пойтахти Будапешт шаҳри ўсмирлар ўртасида эркин, юнон-рум ва аёллар кураши бўйича жаҳон чемпионатига мезбонлик қилади.

Ушбу нуфузли мусобақада Ўзбекистон терма жамоаси курашчилари ҳар уччала йўналишда юртимиз шарафини ҳимоя қиладилар. Кеча эркин кураш бўйича терма жамоамиз делегацияси Латиф Халимов ва Асрор Хўжамуродов мураббийлигида Тошкент - Истанбул - Будапешт авиарейси билан Венгрияга жўнаб кетди. Ғайратулла Абдуллаев жаҳон чемпионатида ҳакамлик қилади.

Терма жамоа таркиби: Қадамов Мустафо, Саримсоқов Аюбхон, Жуманазаров Нодирбек, Ўсмонов Ҳусанбой, Қадамов Камронбек, Саидов Акмал, Каримов Асадбек, Назирбоев Отабек, Ражабов Мироншоҳ, Базарбаев Айназар.