Эркин курашчиларимиз Кисловодск йиғинини якунлашди

Уч ҳафта давом этган ушбу хориж йиғинида курашчиларимиздан ташқари Озарбайжон ва Туркия терма жамоалари ҳам иштирок этди. Қўшма хориж йиғинининг сўнгги уч кунида бу уч мамлакат спортчилари сафига Россия терма жамоасининг асосий таркиби ҳам қўшилди. 

Кисловодск йиғини Ўзбекистон эркин кураш терма жамоасига ҳали манзили ва муддати  номаълум бўлган Токио-2020 Олимпиадасининг Осиё лицензион турнири учун тайёргарлик босқич вазифасини ўтаб берди. 

Эслатиб ўтамиз, аслида Осиё лицензион турнири Хитойда ўтказилиши лозим эди. Чин юртидан тарқалган коронавирус сабаб бу мусобақа бекор қилинди. Кейин ушбу лицензион турнир мезбонлиги Бишкек шаҳрига топширилди. Аммо, Қирғизистон ҳукумати коронавирус хавфи сабаб мамлакатдаги барча оммавий тадбирлар, хусусан спорт курашлари бўйича Осиё лицензион турниридан ҳам воз кечди. Тез кунда мусобақанинг янги манзили ва муддатига ойдинлик киритилади. 

Кисловодск йиғинида қатнашган таркиб:

-57 кг: Маҳмуджон Шавкатов

-57 кг: Умиджон Жалолов

-57 кг: Ғуломжон Абдуллаев

-65 кг: Сирожиддин Ҳасанов

-70 кг: Рамазон Ибодов

-86 кг: Рашид Қурбонов

-86 кг: Жавраил Шапиев

-86 кг: Рустам Шодиев 

-92 кг: Азиз Солиев

125 кг: Амиржон Нутфуллаев

125 кг: Дилмуҳаммад Нурмуҳаммедов

Мураббийлар - Олимжон Ҳикматов, Абдурауф Бозорбоев, Латиф Халимов

Шифокор - Улуғбек Тўрабоев