22 июн 21:09
Янгиликлар

Спорт курашлари

Эркин курашчиларимиз умумжамоа ҳисобида кучли учликда

Бишкек шаҳрида спорт курашлари бўйича ўсмирлар (U 17) ва ёшлар (U 23) ўртасидаги Осиё чемпионати давом этмоқда.

Бугун икки кун давом этган эркин кураш бўйича ўсмирлар ўртасидаги қитъа чемпионати ўз якунига етди. Қитъа биринчилигида Латиф Халимов ва Асрор Хўжамуродов мураббийлигидаги 10 нафар эркин курашчимиз юртимиз шарафини ҳимоя қилди.

Якунда улардан 7 нафари шоҳсупага кўтарилди. Эркин курашчиларимиз 2 та кумуш ва 5 та бронза медали билан умумжамоа ҳисобида учинчи ўринни банд этишди. Бу борада Ҳиндистон терма жамоаси биринчи, Қозоғистон эса иккинчи ўринни эгаллади.