29 июл 20:51
Янгиликлар

Спорт курашлари

Эркин курашчимиз Жаҳон чемпионатининг финалида!

Хабар берганимиздек, Болгария пойтахти София шаҳрида спорт курашлари (эркин, юнон-рум ва аёллар кураши) бўйича ўсмирлар ўртасида жаҳон чемпионати бўлиб ўтмоқда.

Қувонарлиси, -48 кг вазн тоифасида юртимиз шарафини ҳимоя қилаётган Камронбек Қадамов ҳозиргина якунига етган ярим финал учрашувида ғалаба қозонди. Камронбек ҳиндистонлик курашчи Удит Удитни 4:2 ҳисобида енгди.

Қадамовнинг финалдаги рақиби Раҳмон Муса Амоузадҳалили бўлади. Эронлик бу эркин курашчи ярим финал беллашувида АҚШ вакили Стево Росс Поулиндан устун келди.

Эслатиб ўтамиз, Камронбек Қадамов ярим финалга қадар мўғулистонлик Отгонбаатар Болдбаатарни 11:0, озарбайжонлик Жавид Жавадовни 8:4 ҳисобида мағлуб этган эди.